原标题：王浩信首演喜剧今晚开播！对阵7位女演员，最有火花嘅竟然係佢？！
今个夏天最强TVB剧
一部係啱啱结束嘅 《杀手》
→TVB夏日最强剧集？
虽然剧情D线太多唔够丰满
但最后都被祥哥嘅父爱
感动咗一下！
而另一部剧集
就係 王浩信、张振朗
主演嘅 《反黑路人甲》！
今晚9点半首播
有无坐定定喺公仔箱面前睇先？
嗱
故事係讲茄呢啡 细伦
阴差阳错被新扎师妹 顾欣颐
招募入黑帮做卧底坐馆
然后发生一系列惊险爆笑嘅故事
今次係王浩信首次演喜剧
原来佢本身就好钟意拍喜剧
终于等到呢次机会，佢就话：
“会用尽毕生无聊底子，
希望观众喺呢段时间笑下。”
well
剧集搞唔搞笑睇过先G
但王浩信艳福无边就真嘅！
因为剧中佢要同
汤怡、高Ling、
蒋家旻、傅嘉莉等
7位靓女合作！
汤怡喺剧中
从清纯Miss变社团话事人
同王浩信有亲密戏份
高Ling继 《杀手》《迷网》
《三十而已》后再度亮相新剧
饰演返一位女明星：
“今次角色好可爱，
有佢喺度成个气氛都好跳脱”
蒋家旻摆脱乖乖女形象
剧中饰演性感霸气社团大家姐
话时话
佢同 徐荣一齐出现
大家觉唔觉有种
《爱回家》社团版嘅feel？！
虽然靓女一个接一个
但係可乐君听讲
其实个个都係露水情缘
王浩信全剧最有火花嘅对手
係 张振朗先啱？！
新剧係 王浩信、张振朗第6次合作
《踩过界》盲侠同GOGO嘅有爱故事
相信大家依然历历在目！
今次佢地再合作默契依然超劲
张振朗饰演卧底高彬
同王浩信开展一段
周旋警方与黑帮之间嘅冒险之旅！
张振朗更加係大牺牲
唔止扮护士、学生妹
仲要同王浩信咀嘴
咁刺激嘅剧情
编剧可能都係佢哋嘅CP粉？
另一方面
《迷网》官仔骨骨嘅 朱敏翰
喺新剧会化身肌肉冷血杀手
操肌用咗几个月时间
状态係人生最fit
佢希望能够摆脱以往
“御用细佬”嘅形象
剧中会同王浩信、张振朗组成“三剑侠”
不过佢都好明白自己係“小三”：
“佢两个不嬲都係‘情侣档’，
能够介入真係好荣幸。”
wow
编剧真係好努力
为王浩信疯狂组CP
除此之外
新剧继续有老戏骨
《杀手》“佛爷”李成昌
同 《迷网》“湛叔”姜大卫
演咩似咩嘅佢哋
相信会令剧集增色不少！
wow
今晚睇咗第一集嘅朋友仔觉得点？
未睇嘅又有无兴趣追剧啊？
More · 今日娱乐看点
《花木兰》确定内地上映
大家期待已久嘅电影《花木兰》，
确认引进内地喺影院上映！
影片嘅上映之路真係几经波折啊，
如今有望九月初上映，
大家会唔会买飞去睇？！
刘璇二胎得女
体操奥运冠军刘璇，
今日喺网上开心晒图，
宣布二胎得女，
并且配文话：“妹妹来啦~”
好友王祖蓝、谭维维等人都来祝福！
袁咏琳遇大车追尾
好在人无事！
佢都呼吁大家要绑好安全带
平安是福！
BTW之前郑希怡整亲脚、
万茜遇到车祸
好在都平安无事啊！！
资料来源：TVB
艺人社交平台
编辑：Junko
*文中图片如涉及侵权请联系，立即删除
▼
责任编辑：